Kryetarja e Kuvendit të Shqipërisë, Elisa Spiropali, priti sot në një takim, udhëheqësen e lëvizjes demokratike të Bjellorusisë, Svitlana Tsikhanouskaya.

Spiropali e ka cilësuar Tsikhanouskayan një mike të veçantë dhe një zë frymëzues për demokracinë, lirinë, drejtësinë dhe dinjitetin njerëzor.

Spiropali shton se Tsikhanouskaya po vijon misionin e opozitës bjelloruse me vizion e përkushtim drejt ndryshimeve transformuese demokratike.

“Sot takova një mike të veçantë, një zonjë të fortë, udhëheqësen e lëvizjes demokratike të Bjellorusisë, Sviatlana Tsikhanouskaya, simbol i gruas lidere, një zë i fortë e frymëzues, e njohur e mbështetur botërisht për dedikimin ndaj vlerave të demokracisë, lirisë, drejtësisë, dinjitetit njerëzor.
Prej 2020 bashkëshorti i saj është i burgosur politik në Bjellorusi dhe vuan dënimin bashkë me qindra aktivistë, gazetarë e qytetarë që kërkojnë rivendosjen e sistemit demokratik. Sviatlanës iu mohua fitorja si Presidente në zgjedhje. Ajo vazhdon misionin e opozitës bjelloruse nga ekzili dhe po e udhëheq atë me vizion, përkushtim e sakrificë drejt ndryshimeve transformuese demokratike”, deklaron Spiropali./Arbresh.info